 |
| පූජා නැටුම “ශ්‍රී සම්බුද්ධ රාජා වඳිම්“ |
 |
| වැඩිහිටි උපහාර ලැබූ ගුරුවරු ඉදිරියේ වැඩිහිටි දින කථාව කරන අපේ සිතුම් වින්සර පුතණුවන් |
 |
| ගුරු දිනය වෙනුවෙන් ශිෂ්‍ය නායක දු-දරුවන්ගේ සංග්‍රහය |
 |
| උත්සව සභාව අමතන විමල් රාජපක්ෂ මැතිතුමා |
උළෙලේ ආරාධිත දේශනය පැවැත්වූයේ දහම් පාසලේ හිටපු ආචාර්ය, දායක සභාවේ සංවිධායක ගරු විමල් රාජපක්ෂ මැතිතුමා විසිනි. තමා රටේ දැනට පවතින විභාග කේන්ද්‍රීය අධ්‍යාපන ක්‍රමයට පෞද්ගලික ව එතරම් කැමැත්තක් නොදක්වන බව සඳහන් කළ එතුමා, නිරන්තර (අඛණ්ඩ) ඇගයුම් ක්‍රමය වඩාත් උචිත බව තම විශ්වාසය බව ද සඳහන් කලේ ය.
 |
| ගුරු දින කථාව - අපේ ලේකම්තුමිය ගගනි විහාරා |
ගුරු දිනය නිමිත්තෙන් දැනට දහම් පාසලේ සේවයේ නියුතු ව සිටින ගුරුවරුන්ට උපහාර තිළිණ ප්‍රදානයක් ද සිදු වූ අතර, ඒ මොහොතේ පසුබිමෙන් වාදනය වූ ගුරුවරයා ගැන කියැවුණු සංවේදී පැදි පෙළ සැමගේ නෙතගට කඳුලක් එක් කළ අවස්ථාවක් විය.
2023 වෙසක් දිනය නිමිත්තෙන් මාතම්මන ඕතොපෙඩික් සප්ලයර්ස් ආයතනය මඟින් සංවිධානය කළ අන්තර් දහම්
පාසල් වෙසක් නිරිමාණ තරගයේ දී ප්‍රථම ස්ථානය ලබා ගත් “නැදුන්ගමුවේ රාජා“ හස්තියාගේ අනුරුව නිර්මාණය සඳහා නිර්මාණ දායකත්වය ලබාදුන් දරුවන්ට සහතිකපත් ප්‍රදානය ද මීට සමගාමීව සිදුවිය.
පාසල් වෙසක් නිරිමාණ තරගයේ දී ප්‍රථම ස්ථානය ලබා ගත් “නැදුන්ගමුවේ රාජා“ හස්තියාගේ අනුරුව නිර්මාණය සඳහා නිර්මාණ දායකත්වය ලබාදුන් දරුවන්ට සහතිකපත් ප්‍රදානය ද මීට සමගාමීව සිදුවිය.
 |
| ගීතයක් ගයන ගරු වැ.බ. ප්‍රධානාචාර්යතුමා |
මෙවර දහම් පාසල් ළමා දින උළෙලේ වගකීම විජිතා පත්මිණී ආචාර්යතුමිය විසින් ද, වැඩිහිටි දිනයේ වගකීම යොෂිතා දිල්රුක්ෂිි හා චම්පා ශ්‍යාමලී ආචාර්යවරියන් දෙපල විසින් ද, ගුරු දිනයේ වගකීම වොෂිතා අල්ගම ආචාර්යතුමිය විසින් ද උසුලනු ලැබූ අතර, ගරු ආචාර්ය මණ්ඩලය වෙනුවෙන් මේ ඒකාබද්ධ උත්සවයේ සමස්ත වගකීම ගරු විජිතා පත්මිණී කරුණාරත්න ආචාර්යතුමිය විසින් ද, ශිෂ්‍ය - ශිෂ්‍යයාවන් වෙනුවෙන් සමස්ත වගකීම, ප්‍රධාන ශිෂ්‍ය නායිකාව, සිත්මි මින්සරා දෙව්පුර දියණිය විසින් ද උසුලනු ලැබී ය.
 |
| ස්තූති කථාව - ප්‍රධාන ශිෂ්‍යනායක පිණිඳු පියුෂාන් |
සිසු - සිසුවියන්ගේ නර්තනාංග රැසකින් වර්ණවත් වූ මෙම උළෙලේ නර්තනාංග පුහුණු කිරීම දහම් පාසල් ආචාර්ය ලතීකා චන්ද්‍රකාන්ති මියගේ මෙහෙයවීමෙන් සිදුවිය.
විශ්ව ළමා දිනය, ලෝක වැඩිහිටි දිනය හා ලෝක ගුරු දිනය මෙසේ දහම් පාසල් මට්ටමින් උත්සවාකාරයෙන් සැමරීම පසුගිය වසරේ දී ඇරඹුණේ දහම් පාසල් ආචාර්ය හිමාලි ප්‍රියදර්ශනී මෙනවියගේ සංකල්පයක් මතය. කාර්යබහුලත්වය නිසා මෙවර එම උත්සව ත්‍රිත්වය ම ඒකාබද්ධ උත්සවයක් ලෙස මෙසේ අතිසාර්ථක ව පැවැත්වීමට හැකි වූයේ ආචාර්ය මණ්ඩලයේ හා ශිෂ්‍ය නායක මණ්ඩලයේ අපරිමිත කැපවීම හා උත්සාහය නිසා බව කිවයුතු ම වේ.
යූ.ඒ. නදීක තනුජය රම්‍යසිරි විජේරත්න
අස්වාන දහම් පාසල
2023-10-11
